جامعات میں داخلے کا نیا نظام متعارف

لاہور: ہائر ایجوکیشن کمیشن نے جامعات میں داخلوں کے لیے نیا مرکزی نظام متعارف کرایا ہے جس کے تحت طلبہ ایک ہی پورٹل سے متعدد جامعات میں درخواست دے سکیں گے۔

حکام کے مطابق نئے نظام سے طلبہ کو بار بار فارم جمع کرانے کی زحمت سے نجات ملے گی اور داخلے کا عمل شفاف ہوگا۔

جامعات کے وائس چانسلرز نے نظام کا خیر مقدم کیا ہے۔ ان کا کہنا ہے کہ اس سے میرٹ کی بالادستی یقینی ہوگی۔

طلبہ تنظیموں کا کہنا ہے کہ فیسوں کے مسئلے پر بھی توجہ دینی چاہیے تاکہ غریب طلبہ اعلیٰ تعلیم سے محروم نہ رہیں۔

ماہرین کے مطابق ڈیجیٹل نظام سے داخلوں میں شفافیت آئے گی اور سفارش کلچر کا خاتمہ ہوگا۔