بلوچستان میں ترقیاتی منصوبوں کا جائزہ اجلاس

کوئٹہ: بلوچستان میں جاری ترقیاتی منصوبوں کی پیش رفت کا جائزہ لینے کے لیے اعلیٰ سطحی اجلاس منعقد ہوا۔ اجلاس میں پانی، بجلی اور سڑکوں کے منصوبوں پر تفصیلی بریفنگ دی گئی۔

حکام نے بتایا کہ صوبے میں صاف پانی کی فراہمی کے منصوبے پر تیزی سے کام جاری ہے۔ کئی علاقوں میں نئے واٹر سپلائی اسکیموں کا افتتاح جلد متوقع ہے۔

تعلیمی اداروں کی تعمیر کے حوالے سے بتایا گیا کہ دور دراز علاقوں میں اسکولوں کی عمارتوں کی تعمیر ترجیحی بنیادوں پر کی جا رہی ہے۔

اجلاس میں فیصلہ کیا گیا کہ منصوبوں کی نگرانی کے لیے خصوصی سیل قائم کیا جائے گا جو ماہانہ پیش رفت رپورٹ مرتب کرے گا۔

شرکاء نے اس عزم کا اظہار کیا کہ بلوچستان کی ترقی کے لیے تمام وسائل بروئے کار لائے جائیں گے اور عوام کو بنیادی سہولتیں ان کی دہلیز پر فراہم کی جائیں گی۔