کراچی میں اسٹریٹ کرائم کے خلاف کریک ڈاؤن

کراچی: شہر میں بڑھتے ہوئے اسٹریٹ کرائم کے خلاف پولیس نے بھرپور کریک ڈاؤن شروع کر دیا ہے۔ مختلف علاقوں میں کارروائیاں جاری ہیں۔

پولیس حکام کے مطابق موبائل فون چھیننے اور ڈکیتی کی وارداتوں میں ملوث گینگز کے خلاف خصوصی ٹیمیں تشکیل دی گئی ہیں۔

اب تک کی کارروائیوں میں درجنوں ملزمان گرفتار کیے جا چکے ہیں۔ ان کے قبضے سے چھینے گئے موبائل فون اور نقدی برآمد کی گئی ہے۔

شہریوں نے پولیس کی کارروائیوں کا خیر مقدم کیا ہے۔ ان کا کہنا ہے کہ گشت بڑھنے سے تحفظ کا احساس پیدا ہوا ہے۔

پولیس نے شہریوں سے اپیل کی ہے کہ واردات کی صورت میں فوری طور پر ون فائیو پر اطلاع دیں۔